Xal qazanmağın ən məhsuldar üsuludur və 5 xal qazandırır. Hücum edən komandanın oyunçusu topu qapı xətti (həmin xətt özü də daxil olmaqla) ilə "ölü top" xətti, yəni meydanın üz xətti arasında yerləşən zəmin (qol) sahəsinə daxil edir. Cəhd o zaman qeydə alınır ki, oyunçu topu əlində saxlamaqla yerə toxundurur və ya topu belindən boynuna qədər bədəninin hər hansı bir hissəsi və ya qolu ilə yerə sıxır. Cəhd edildikdən sonra komanda onun realizasiyasını (əlavə zərbəni) yerinə yetirmək və əlavə xallar qazanmaq hüququ əldə edir.
Reqbidə avto-cəhd (və ya avto-qol) anlayışı mövcud deyil. Əgər oyunçu topu öz zəmin sahəsində yerə endirərsə, top "ölü" hesab olunur, hakim isə topun həmin sahəyə kim tərəfindən daxil edilməsindən asılı olaraq 5 metrlik məsafədən skram və ya qapıdan zərbə təyin edir.
Reqbi qaydalarının ilkin variantlarında cəhdə görə cəmi iki xal verilirdi və əgər komanda realizasiyanı dəqiq yerinə yetirməsəydi, cəhd ümumiyyətlə hesablanmırdı.